هياخد منك ١٠ دقايق قراءة بس هتستفيد.
استكمالاً لشرح دوكس بطريقة علمية علشان أقدر أفيد الكل سواء :
-اللي عايز يفتح مشروع جديد و عايز ياخد #دوكس مثال حي للنجاح فيقلدها بطريقة صحيحة.
-اللي عنده مشروع و عطلان مش بيكسب.
-اللي جوه دوكس عن طريق تجديد معلوماتهم و تطويرها.
-اللي متابع دوكس و عايز يفهم اكتر.
-المشكك في مصداقية الشركة و شاكك انها شركة تسويق شبكي فقط و مش مصدق إن الموضوع أكبر من كده بمئات الأضعاف.
طبعاً مش التسويق فقط اللي عامل كيان دوكس علشان ما نبخسش حق باقي الأقسام و لكن هبدأ بالتسويق لإنه المنطقة اللي فيها جدل كبير من إشاعات أو عدم استيعاب لحجم القدرة التسويقية لدوكس فعلاً.
هنبدأ بمثال بسيط هيوضحلك المقصود :-
هل يعقل نقول شركة ماكدونالدز هي شركة صوص باربيكيو؟
و هل منطقي لو ماكدونالدز قالت لأ التقييم ده خاطئ يبقي بتتبرأ من إنها بتشتغل في الصوص ده؟
بديهياً أكيد لأ...
صوص الباربيكيو مهم جداً جداً في منتجات ماكدونالدز و لكنه ليس الوحيد و ما ينفعش أساوي حتي و لو لفظياً بين كيان كبير و أحد أفرع منتجاته.
نفس الحال دوكس براند ملابس كبير،،، لا هي شركة باقات لإن ده أحد المنتجات و لا هي شركة تسويق شبكي لإن ده أحد طرق التسويق زي ما هنفهم دلوقتي.
▪️▪️▪️▪️▪️▪️▪️▪️▪️▪️▪️▪️▪️▪️▪️
أي حد بيفتح شركة أو عنده منتج بيبقي نيته الوحيدة الرئيسية المعلنة بوضوووح إنه عايز فلووووس عايز يبييع كتيييير عايز الكل يعرفه و يشتري منه و هو مبسوط.
و بعد ٩ سنين شغل بإيدي أقدر و بكل بجاحة و بالفم المليان أقولك إذا ذكرت الفلووووس ذكر التسويق 😀
لا خدمة عملاء و لا منتج و لا تصميمات...
معلش بقي أصل ده قسمي و حتتي و بغير عليه...
و بصراحة برضه روح بنفسك لشركة خدمة عملاء هتقولك أهم حاجة التسويق...
روح لأجمد مصمم يقولك تفيد بإيه الموهبة بدون تسويق يعملي إنتشار و يخلي الناس تعرفني.
التسويق الصح ينجح أي حاجة.
و في البوست ده أنا هعلمك شوية تسويق علي خفيف و علي قد ما أقدر بالبلدي و العامية و كمان هعرفك بالمرة حجم دوكس الحقيقي و أحد أهم أسرارها 🤓
▪️▪️▪️▪️▪️▪️▪️▪️▪️▪️▪️▪️▪️▪️▪️
تتعدد طرق تسويق دوكس لتحقيق الغرض المرسوم الواضح جداً و هو إني أنتشر و الناس تعرفني و أبيع كتيييير فأكسب كتير و إليكم الطرق المتبعة في دوكس حتي الآن لإن أكيد هزود في المستقبل طرق أكتر لتحقيق انتشار و فلوس أكثر.
ترتيب أنواع التسويق التالية أبجدي A لحد Z :
Affiliates marketing :
التسويق بالعمولة و هو تسويق لعلامة تجارية أو موقع أو منتج لشخص آخر مقابل عمولة متفق عليها مسبقاً.
و ده بيحصل في دوكس إن أي حد يقدر يعمل حساب مجاني و يبيع منتجات دوكس و ياخد من ٧% إلي ١٠% علي مبيعاته المباشرة فقط.
Article marketing :
تسويق عن طريق المقالات....
و ده بيحصل في دوكس عن طريقي زي دلوقتي كده و زي أي مقال تسويقي لأي دوكساوي بيكتبه و للعلم ده عنصر أنا اللي أضفته لمهام المسوق في فريقي يعني أساسا مش موجود في علم التسويق الشبكي.
Augmented marketing :
التسويق المعزز.... و هو إضافة قيمة إلي منتج ما عبر عرض إضافي و مبتكر و هتلاقي بيتزا كينج مثلاً بتقولك عرض بيتزا عليها بيتزا أو في الملابس اشتري تيشيرت و خد ٣٠% خصم عالثاني.
و ده موجود في أغلب منتجات دوكس كالباقات مثلاً.
Communal marketing :
و هو التسويق المجتمعي... و هو عن طريق إستخدام الشركة لقصص و تجارب عملائها و ده أكيد هيعمل تحفيز لأشخاص آخرين يشتروا المنتج لو لقي في التجارب ده حد شبهه.
و ده في دوكس بيتنفذ يومياً لإننا أكبر كيان في مصر بينجح الشباب معاه سواء مالياً أو عن طريق إرضاء أذواقهم في المنتجات نفسها.
Community marketing :
هو تسويق له مسمي آخر يسهل فهمه و هو تسويق الولاء و هو التركيز علي العميل القائم أي العميل بتاعك أصلاً و إنه يبقي مبسوط و هو بيشتري منك تاني و تالت و رابع لإن ده مصاريفه و مجهوده أقل من اجتذاب عميل جديد.
و ده في دوكس هتلاقيه في الدوكساوية اللي كملوا مع دوكس رحلة النجاح و هما أكثر الأشخاص اللي يقولولك المنتج تطور قد ايه و ده بيعكس تطور دوكس بالكامل اللي لم تكتفي بالمستوي اللي كانت فيه لما باعت لعملاء ٢٠١٥ و ٢٠١٦ مثلاً..... مع ان ساعتها كانت بتبيع....
لأ طبعاً دوكس قعدت تسمع لعملائها الحاليين ساعتها اللي اشتروا بالفعل منها و طورت نفسها لحد ما وصلت للمرحلة الحالية...
و في النوع ده من التسويق العميل هو اللي بيجبرك على التطوير علشان تحافظ عليه.
Conversational marketing :
و هي طريقة تسويق عبر النقاش او الدردشة و ده بيسمح للشركة انها تتكلم عن نفسها أكثر من مجرد بوست عالفيسبوك أو إعلان في يافطة في الشارع أو حتى إعلان تلفزيوني برسالة محدودة.
و ده موجود في دوكس ٢٤ ساعة ٧ أيام في الإسبوع و بأكثر من طريقة...
- شات في الموقع.
- رسائل الصفحات الرسمية الثلاث DOX و VIGOR و صفحتي الرسمية و كمان بروفايلي.
-أي دوكساوي بيشتغل معانا بندربه تلقائي إزاي يجاوب الاستفسارات علي هيئة نقاش دردشة كتابي علي النت و ده عنصر برضه مكانش موجود في علم التسويق الشبكي و انا أضفته لمهام المسوق و تعليمها كمان ... و بقينا بنتقلد كمان من أكبر شركات العالم حوالينا و كانو معترضين أساساً زمان علي ده.
Celebrity marketing :
و ده عن طريق إن المشاهير يعملولك دعاية أو يتصوروا مع منتجك او يحضرو حفلتك.
و ده في دوكس حصل مع محمد فؤاد و ساندي و رامي جمال و أحد نجوم تياترو مصر و غيرهم...
و قريباً القائمة ستطول.
Data marketing :
تسويق ببيانات اشخاص مباشرة سواء بشرائها من شركات كبري أو عن طريق إعلانات ممولة عالانترنت تجعل العميل يعطيك بياناته أو عن طريق تجميع بيانات من الشارع مباشرة.
و ده بيحصل كل لحظة في دوكس عال ٣ صفحات و جرب دلوقتي تبعت رسالة.
Database marketing :
و ده تسويق عبر قاعدة بيانات بها عملائك أو من أعطوك بيناتهم مسبقاً و لم يجربوا المنتج.
و ده طالما السابق بيتعمل فأكيد دوكس بتعمل ده برضه يعني هعمله لبيانات الغريب و مش هبعت رسالة للعميل بتاعي!
Digital marketing :
التسويق الرقمي هو التسويق الذي يستخدم التكنولوجيا الرقمية زي مواقع الانترنت و ما شابه.
و ده طبعاً من أساسيات دوكس اللي مالية النت إعلانات.. و ده أساساً بيخالف علم التسويق الشبكي.... اللي هو ضد الصرف علي إعلانات لتوفيرها و تقديمها علي هيئة عمولات.
دوكس واخدة العلم الصحيح من كل نوع من الآخر و بتطبق كل مميزات كل نوع و مستفيدة جداً من ده.
اللي أنا مستغربه ليه الكل مش عامل زيي كده و ليه متمسكين فقط بقواعد التسويق الشبكي.
Direct marketing :
التسويق المباشر و ده بيحصل من الدوكساوية من شخص إلى شخص مباشرة و ده مش شبه بائع المحل حتي لا يختلط عليك المعني و ده فرق كبير بين التسويق المباشر و بائع التجزئة نتكلم عليه بعدين.
Disruptive marketing :
هو التسويق الفوضوي و سيبك من معناه الحرفي و هو عبارة عن إيجاد شيئ جديد أو ميزة جديدة في منتجك.
زاوية جديدة مثلاً في طريقة شرحه أو استراتيجية تسويقه عامة أو تغيير شيئ ما فيه للأفضل أو خلق شيئ مبتكر من خلاله.
و ده حصل في ELITE و DELUXE و ده عايز فيديو لوحده لإن الفكرة ده مش بس حسنت الكفاءة... لاااا ده سهلت طريقة شرحه و مدة شرحه و كل حاجة تانية وصولاً لحجم المبيعات...
علي الرغم من إن أساساً تم سحب منتج ELITE و هو في مجده و مكانش وحش بالعكس كان بياع جداً جداً و ده نقطة قادمة عن ال PULL MARKETING و ال PUSH MARKETING...
E-commerce marketing :
التسويق للتجارة الإلكترونية.... و هو تسويق يدور حول زيادة وعي المجتمع بالعلامة التجارية لدوكس و منتجاتها عبر الإنترنت.
و لو دخلت علي موقعنا www.doxllc.com هتلاقي ده واضح جداً في كل ركن في الموقع و كل صفحة بنحاول علي قد ما نقدر تبقي مفيدة سواء بالصور أو بالمعلومات عن المنتج أو قواعد العمل معنا و الشروط و ما إلي آخره مما يساهم فعلاً في زيادة وعي العميل بشركتنا.
Event marketing :
تسويق عن طريق المؤتمرات و الحفلات و الأحداث عامة.
و ده بيتعمل أكثر من ٦ مرات سنوياً و ده بحد أدنى زي DOX STROM و X STORM و FOX STORM و VBT و ما شابه ذلك.
Influencer marketing :
تسويق عن طريق مشاهير السوشيال ميديا و كل شخص له تأثير في الجمهور و ثقة عندهم...
و ده دوكس طبعاً عملته مع آية مصطفى و عمرو راضي و علي غزلان و غيرهم كتير و قريباً القائمة ستطول.
Informational marketing :
التسويق المعلوماتي... و ده بيدور حول نشر فوائد المنتج أو الخدمة المقدمة و بيتم عن طريق تثقيف الجمهور المستهدف حول..
و ده مثلاً اللي بعمله دلوقتي...بديلك معلومات تثقيفية عن طرق تسويق دوكس مثلاً و لو دورت هتلاقيني عامل ده كتير و لو تابعت هتلاقي كل شهر معلومات أكثر عمقاً تزودلك المعرفة.
In-Store marketing :
التسويق في المحل نفسه...
و ده هتلاقيه لو ركزت علي الباب بره او جوه المحل معلقين يفط بالعروض الحالية كمثال ٤٠% تخفيض لجذب عملاء يمرون أمام المحل و لم يدخلوا...
و أيضا داخل المحل بعض اللوح الإعلانية متدلية من السقف مثلاً تعمل علي تشجيع العميل لشراء منتجات أكثر للاستفادة القصوى من العرض.... مما يؤدي الي زيادة مبيعات الفرع نفسه.
Loyalty marketing :
و ده شبيه لل Community marketing اللي اتكلمنا عليه مسبقاً...
تسويق الولاء واضح من إسمه أنه يعمل علي زيادة المبيعات عن طريق عملائنا مباشرة لهم أكثر من مرة و لأسرهم أيضاً.
و ده مش هيتم إلا إذا كانت الخدمة بتاعتنا بترضيهم و بنحاول طول الوقت نطور من نفسنا علشان يفضل هو مطمن ان دايماً في جديد فيتشجع يشتري تاني و تالت و خمسين...
ما هو كده كده طول عمره هيشتري لبس ليه ما أمسكش فيه و أخليه يطمنلي و أزرع فيه الثقة لمنتجاتي فيتحول لولاء للبراند.
Multi level marketing :
ال MLM هو تسويق متعدد الطبقات اللي هو يندرج تحته التسويق الشبكي اللي عليه جدل كبير جداً.
و ده أكثر من ٣٠ ألف شركة على مستوى العالم بتستخدمه و أغلبها شركات أمريكية و أوروبية و آسيوية و نادراً لما تلاقيه في العرب..
و ده من أكثر أنواع التسويق نجاحاً لأنه بيعتمد إن العميل بتاعك يتحول من مجرد مستهلك إلى مسوق يحصل علب عمولات و تقوم الشركة بتقديم تدريبات لهذا المستهلك لكي يستطيع العمل في قسم التسويق التابع لها.
و هنا المسوق يحصل علي عمولات جراء مبيعاته الخاصة و أيضاً عمولات علي مبيعات فريقه،مما يؤدي إلى مبيعات ضخمة و بالتالي عمولات كبيرة يحصل عليها هذا المسوق الذي بالأساس هو عميل.
ملحوظة : في التسويق متعدد الطبقات أو التسويق الشبكي يحدث عن طريق تحويل المستهلك إلى مسوق و لكن الطبيعي أن لا تناسب مهنة التسويق الجميع فمن غير المعقول أن نقول هناك ١٠٠٠ شخص اشتري من هذه الشركة لماذا العاملون فقط ٥٠ شخص....
لان ده الطبيعي.... كام واحد بيدخل حقوق و كام واحد بيعرف يتخرج اصلاً و كام واحل اتخرج اشتغل محامي أساساً.
Offensive marketing :
التسويق الهجومي... و ده بيحصل لما شركة تهاجم شركة أخرى باستخدام نقاط ضعف المنافس مع إبراز نقاط القوة لدينا...
و ده دوكس كانت بتعمله زمان في البداية و بطلناه دلوقتي مش لإن ربنا تاب علينا لا سمح الله.... لاااا ده لإن مفيش منافس اصلاً عامل دوشة غيرنا.
Offline marketing :
و ده أي نوع تسويق بيتم خارج نطاق الانترنت و ده مش محتاج شرح.... زي ال OUT DOORS و ده اليفط اللي بتشوفها في الشوارع و بتوصل سعرها عادي لربع مليون جنيه في الشهر.
دوكس طبعاً استخدمت الطريقة ده في بعض الشوارع زي مدينة نصر الحي السابع و أسيوط و طنطا و غيرهم.. و قريباً هنوسع الموضوع ده مش بعيد تلاقينا عالأتوبيسات كمان.
Post-click marketing :
تسويق النقر... و ده بيتم عن طريق محاسبة مالية بين الشركة و بين جوجل أو فيسبوك أو أي كيان يتيح لنا الاعلان من خلاله.
و ده مش بس دوكس شغالة بيه لا ده إحنا مالناش منافس في العالم في مجالنا في المنطقة ده.
و يشبهه أيضاً... Pay-per-click marketing.... و ده محاسبته بتبقي مختلفة شوية في السعر و لكن تقريباً الاتنين بالنسبالك شبه بعض.
Public Relations MARKETING :
تسويق العلاقات العامة PR و ده عندنا في دوكس قسم متخصص لده و شغالين علي رفع مكانة العلامة التجارية أكثر و زيادة الثقة و المصداقية و الوعي بشركتنا.
و برضه انا بتستخدمه بنفسي هنا عالصفحة أغلب الوقت.
Products marketing :
تسويق المنتج... و ده بينتج عنه زيادة الطلب علي المنتج و استخدامه أكثر.
و ده يومياً عندنا عالصفحات و المحلات.
Promotional marketing :
التسويق الترويجي... و ده عن طريق منح العملاء سبباً إضافياً لشراء المنتج زي تخفيض سعر و زي برضه ال BUNDLE OFFERS اللي هي أساس فكرة الباقات اللي عندنا.
Pull marketing :
التسويق بسحب المنتج سواء لتطويره أو تغيير شكله أو تغيير أي شيئ عنه و ده حصل في دوكس لما شيلنا منتج زي elite و هو في قمته و بيحقق مبيعات خرافية و برضه سحبناه.
Push marketing :
التسويق بدفع منتج جديد عن طريق خلق وعي جديد بفكرة مبتكرة زي ما حصل في ULTRA و DELUXE و MAX و FAMILY و TRIO وBRAVO و POWER و غيرهم كتييييير قادم.
ادعيلنا انت بس.
Referral marketing :
و ده زي ال affiliate و زي التسويق المباشر و ده بيعتمد علي فكرة الإحالة.
يعني ايه؟
يعني إن أحد العملاء الحاليين يسوقلي شفوياً لجلب عملاء جدد.... و هو تسويق قوي جداً جداً و لكن يصعب التكهن و توقع النجاح فيه لأنه يعتمد علي وجود شخص قائد للمنظومة و للمسوقين و عدم وجود هذا الرمز فلا أمل لهذا النوع من التسويق.
Relationship marketing :
أحد أفرع التسويق متعدد الطبقات و ده بيتم تطبيقه طبعاً في دوكس زي ما ذكرنا مسبقاً في أنواع مشابهة.
Remarketing :
تجديد النشاط التسويقي... و هو عن طريق تجديد العلاقة التسويقية مع من زار الموقع الخاص بنا أو الصفحات و لم يشتري.
و ده في دوكس بيتم كل فترة بنجمع بيانات هؤلاء العملاء و نكلمهم و نبعتلهم رسايل و نعملهم عروض و نعرفهم بأخبارنا الجديدة.
Self-marketing :
التسويق الذاتي... و هو عملية الترويج لشركة بشخص و ليس بالمنتج... زي ما أنا بعمل أغلب الوقت برضه بنفسي و غيري كتير معانا في دوكس بيعمل كده.
فاللي بيحصل إن آلاف العملاء بتشتري المنتج حباً فينا أو ثقة فيا أو مؤمنة بينا.
Social marketing :
تسويق إجتماعي.... داخل علاقاتك و ده قولنا حاجات شبهه مسبقاً.
Social media marketing :
تسويق عبر وسائل التواصل الاجتماعي...
طبعاً ده مش محتاج أقولك إن بالفم المليان إحنا رقم واحد فيها في بلدك 🤓 عندنا أكبر صفحات المتخصصة في التسويق و آلاف الشباب اللي بتشتغل تسويق عالسوشيال ميديا و لو عايز تتأكد خش اكتب هاشتاج #DOX هتشوف كمية بوستات مش طبيعية في اليوم الواحد مش في السنة.
TARGETED MARKETING :
تسويق مستهدف..... و هو عن طريق تحديد جمهور بشكل معين و دوكس ناجحة جدا في النقطة ده يعني لو عايزين نعمل محل أو فريق في أي مكان فده بالنسبالنا سهل جداً و يكمن النجاح هنا في القدرة علي الوصول لهؤلاء العملاء المحتملين المستهدفين.
Video marketing :
تسويق عبر فيديو.... و دوكس مغرقة النت بالموضوع ده كل أحداثنا بنصورها باحترافية عالية و كمان لما بننزل منتج او فكرة جديدة بنعملها فيديو برضه غير الحملة العادية.
الفيديو في دوكس شيئ أساسي.
Word of mouth marketing :
تسويق الدعاية الشفهية.... و ده بيحصل لما العميل بيبقي مبسوط مننا و من خدماتنا و ده سلاح قوي جدا و ذو حدين و التعامل معه لازم يبقي باحترافية شديدة.
Youth marketing :
تسويق الشباب.... و هي استراتيجية تسويقية موجهة نحو الشباب و ده برضه من أساسيات دوكس.
▪️▪️▪️▪️▪️▪️▪️▪️▪️▪️▪️▪️▪️
السر في دوكس مش كل ما سبق و اللي لسه جاي من أسرار لااااا السر هو إزاي الشركة بتعمل ده كله في قسم واحد فقط من كل أقسامها لإن أكيد عندنا أقسام أخرى غير التسويق أساساً.... إزاي بقي؟؟؟
ده بقي السر اللي هبيعه كمان شوية بفلوس لما أبقى فاضي و اشتغل مستشار تسويقي و الشركة من دول تيجي تديني ١٠٠ ألف جنيه مقابل فقط النظر علي وضعها و بعدها هاخد مليون جنيه لما أقول الحل و كمان هشاركهم في الارباح الناتجة عن أفكاري..
منا مش متعلم وطالع عيني تجارب علشان كمان أقولك سر حياة ناجحة كاملة ببلاش كده 😀 بس لسه كام سنة كمان 😃
فكر بس انت لو ده جانب من قسم التسويق فقط لدوكس و ده جانب يشمل من A لحد D فقط 😂 يعني ٤ حروف فقط..
يا تري بنعمل ده كله إزاي؟ 🤔
و سيبقى ده السر او زي ما بيقولوا الزتونة 😆
▪️▪️▪️▪️▪️▪️▪️▪️▪️▪️▪️▪️▪️
بكده أنا أقدر أقولك لو إنت قرأت كل الأنواع ده المستخدمة بالفعل في دوكس فإنت أكيد المفروض تفهم الآتي :
١- تراجع نفسك في نظرتك لكيان بحجم دوكس.
٢- تبقى فهمت إيه السر وراء الانتشار السريع ده و هو استخدام العلم.... العلم فقط.
٣- لما تبدأ دوكس هنعلمك أغلب ما سبق في مدة لا تتجاوز السنة الواحدة.... و ده هيخليك متطور جداً و هيفتحلك شغل كتير بعدين و هيوسع مداركك و ده فايدة أكبر من العمولات.
٤- تيجي بقي تشتري مننا و تنفعنا. 🤓
٥- لو شوفت حد بيهبد و بيقول أي كلام تقوله إنت اللي مش فاهم روح و ذاكر دوكس كويس.
🥇 دوكس قصة نجاح مصرية حقيقية بدأت من الصفر، ما تحاربهاش بالعكس، انت يا تنضملها و تبقي واحد من قصص النجاح اللي عندنا أو تابعنا و إتعلم و إستفيد لأننا بنتطور بشكل مذهل و سريع بسبب العدد الضخم في فرقنا و بالتالي عقول كتير بتفكر و الأفكار متنوعة و كمان و الحمد لله بسبب الوضع المالي الجيد للشركة بنتطور علمياً و بنعين موظفين ذو خبرات عالية و عقول متعلمة و ذكية. 🏆
www.doxllc.com #DOX #VIGOR #MHA
تعليقات
إرسال تعليق